Американскиот милијардер и активист Џорџ Сорос е загрижен за ЕУ, за кинескиот народ но и за намерите на претседателот на САД, Доналд Трамп.
„Ова е криза на мојот живот. Дури и пред пандемијата сфатив дека сме во чудно време кога и невозможното е возможно, па дури и неопходно“, рече и додаде дека COVID-19 ги промени животите на луѓето и бара поинакво однесување.
Со оглед на тоа дека низ историјата имавме повеќе пандемии, рече дека го изненадува тоа што некои земји биле неподготвени за оваа.
„Дури и кога ќе развиеме вакцина, ќе мора да ја менуваме секоја година бидејќи и вирусот ќе се менува. Тоа го правиме со вакцината за грип секоја година“, вели тој.
Никој не знае како ќе се прилагоди капитализмот на оваа ситуација, смета Сорос.
„Кризата може да ги зближи луѓето на долга стаза. Луѓето се плашат, а поради стравот - луѓето се повредуваат себеси. Тоа што Кина и САД се обвинуваат меѓусебно дополнително ги комплицира работите бидејќи заеднички треба да работиме на климатските промени и да развиеме вакцина“, вели Сорос.
На прашањето за Доналд Трамп, Сорос одговори дека го изненадува неговото однесување.
„Доналд Трамп би сакал да биде диктатор. Но, не може да го направи тоа бидејќи тука е уставот на САД којшто луѓето го почитуваат и тоа ќе го спречи за да направи одредени работи“.
Особено е загрижен за опстанокот на ЕУ бидејќи унијата е некомплетна и „ранлива“.
Ранлива е повеќе отколку САД, не само што е несовршена, туку затоа што е заснована на владеење на законот, заклучува Сорос.