Како драстично се менува населението во САД говори податокот дека денес најнаселената сојузна држава пред 122 години не била ниту во првите пет.
Бројот на население во 1900 година во САД бил драстично помал, нормално. Сепак, далеку од тоа дека пред 122 години САД имал малку жители: точниот број за оваа година изнесувала 76.212.168.
По сојузни држани, во тоа време најнаселена била Њујорк со 7 милиони и 300 илјади. Следувале Пенсилванија, Илиноис, Охајо, па Мисури.
Во 2022 година има драстична разлика. Нормално, бројот на население благодарение на големата имиграција, како и наталитетот, е драстично зголемен, па така во 2022 година во САД живееле 333.287.557 жители.
Кај сојузните држави исто така има драстична промена. Ако во 1900 година Калифорнија не бил ниту во топ 5 најнаселени, сега токму оваа држава ја предводи листата со неверојатни 39 милиони и 200 илјади жители.
Следува Тексас, уште една држава која пред 122 години не била ниту во топ 5. Тексас денес брои 29,5 милиони.
На третото место денес се наоѓа Флорида - повторно сојузна држава која пред век и кусур не била во топ 5. Флорида денес има 21,8 милиони.
Трендот на бројно население на некој начин го задржале Њујорк и Пенсилванија, кои од првата и втората позиција во 1900 година денес ги држат позиоцијата 4 и 5 со 19,8 милиони и 12 милиони.
Некогаш многу населените Илиноис, Охајо и Мисури денес се надвор од топ 5. Илиноис е шести со 12,5 милиони, Охајо седми со 11,7 милиони, додека Мисури е дури 18-ти со 6,17 милиони, само дупло повеќе отколку колку што имал пред 122 години.