Фудбал

Статистиката не лаже - Рашфорд е двојно поефикасен од Роналдо на Олд Трафорд

12. декември 2019 - 18:28 | МИА/КАЈГАНА

Маркус Рашфорд е двојно поефикасен и генерално подобар од Кристијано Роналдо, во споредба со првите неколку сезони на Португалецот на Олд Трафорд.

Против Сити, младиот напаѓач го запиша својот натпревар бр.127 со „црвените ѓаволи“ во Премиер лигата, докажувајќи дека се справува многу подобро од поранешниот број 7 на исто толку дуели.

Рашфорд има помалку минути игра – 8.110 наспроти 8.924 на Роналдо, но има постигнато повеќе голови – 37:34.

Неговите асистенции се помалку – 18:22, но предноста е огромна. Тој ги постигнал своите голови од 256 удари, додека на Кристијано му беа потребни 471.

Ова значи дека статистичките податоци покажуваат дека процентот на успешност на Маркус е 14,5, додека на Роналдо е само 7,2.

Треба да се потсети дека кога Португалецот беше привлечен во 2003 година, тој дојде со ветувачки иден статус на sвезда, додека Рашфорд беше многу помалку познат пред да експлодира со 2 гола против Митјиланд и Арсенал во 2016 година, кога имаше само 18 години.

Тој во последно време не престанува да остава белег и е во одлична форма, но сепак треба многу работа и искуство за да докаже дека може да продолжи по стапките на неговиот славен претходник.

Коментирај