Моќта на парфемот не треба да се потценува. А дали некогаш сте се запрашале каде на вашето тело е најдобри да нанесете парфем?
Парфемот може да ги допре нашите емоции и да ни помогне да формираме спомени, како на пример кога мирисаме колачиња, кои нѐ враќаат во кујната на нашите баби.
„Кога парфемот има способност да предизвика емоции, тој станува дел од нашите животи. Станува дел од личноста, со која другите нѐ поврзуваат“, вели новинарката и авторка Клер Бингам за Vogue.
Кога ќе го пронајдете вашиот мирис, се чувствувате непобедливо и имате можност да го задржите вашиот мирис во собата дури и кога ќе ја напуштите.
Многумина по мирисот на парфемот што го користите знаат кога доаѓате, особено ако е впечатлив за сетилата.
Парфемите се прскаат на растојание од 2 до 4 сантиметри, два, три или четири пати поради времетраењето на мирисната нота. Во зависност од тоа каде се нанесува парфемот, може да трае цел ден или да исчезне за кратко време.
Парфемот е најдолготраен кога е најконцентриран. Откако ќе го најдете вашиот парфем, важно е да знаете каде да го прскате, за неговата нота да биде реална и долготрајна на вашата кожа.
Парфемите се прскаат на пулсирачките точки, бидејќи ослободуваат топлина. Овие области помагаат полека да се ослободуваат аромите во воздухот - во текот на долг временски период.
