Врз основа на целокупната анализа на денешните седници на Претседателството и на Централниот совет на Деморкатскиот сојуз, партијата одлучи да не ја поддржи реконструкцијата на Владата и нема да биде дел од парламентарното мнозинство, изјави вечерва претседател на ДС, Павле Трајанов.
Но, како што нагласи тој на прес-конференцијата во седиштето на партијата, ДС и натаму ќе ги поддржува и ќе иницира проекти кои значат имплементација на европските стандарди. Трајанов истакна дека се цврсто определени за влез на земјата во Европската Унија.
- Заклучивме дека нашите програмски цели дефинирани низ нашите партиски органи и тела кои беа усогласени со СДСМ пред изборите, не се имплементирани. Прво, имавме договор Македонија да биде една изборна единица, во оваа насока беше подготвен закон за Македонија да биде една изборна единица, помина на комисиите, но е блокиран бидејќи претседателот на Собранието Талат Џафери не ја закажува седницата на која треба да се расправа околу овие законски промени, потенцира Трајанов.
Тој додаде дека не се имплементираат ниту програмските цели на ДС за реформи во правосудниот систем, како и за борбата против корупцијата.
ВМРО-ДПМНЕ: Ја поздравуваме одлуката на ДС да излезе од Владата, ги охрабруваме другите партии да го следат примерот
Ја поздравуваме одлуката на Демократскиот сојуз да излезе од владата и ги охрабруваме другите партии да го следат таквиот пример и да не се соучесници во неспособниот систем кој ја распаѓа државата.
ВМРО-ДПМНЕ: Ја поздравуваме одлуката на ДС да излезе од Владата
Со Ахмети и слугата Ковачевски нема иднина. Сите бегаат од бродот кој тоне. Прво беше Алтернатива, а сега Демократскиот сојуз, стои во соопштението од ВМРО-ДПМНЕ.
„Ја поздравуваме одлуката на Демократскиот сојуз да излезе од владата и ги охрабруваме другите партии да го следат таквиот пример и да не се соучесници во неспособниот систем кој ја распаѓа државата.
Таквата одлука е потврда дека на рати се распаѓа владината коалиција, за да на крај се заокружи и остане само "Пазар 3" коалицијата составена само од партиите обединети за тендери и криминал.
Таквиот пакет групно ќе биде убедливо поразен на избори.
Ако власта се одржува со тендери и криминал, на избори народот не се купува со криминал и тендери и тие ќе бидат поразени.“