Во својата втора сезона во овој клуб Александар Трајковски конечно се израдува на погодок.
Синоќа во рамките на Копа дел Реј македонскиот репрезентативец Александар Трајковски доби шанса да игра од првата минута и ја искористи најдобро што можеше.
Во 11. минута со удар од дваесетина метри откосо ја затресе мрежата на домашната Фуенлабрада и остана на теренот до 81. минута кога беше заменет при резултат од 1:1.
Натпреварот замина во продолженија каде повторно немаше победник бидејќи двата тима постигнаа по еден гол за конечни 2:2, а потоа пеналите го одлучија победникот. Нажалост, тимот на Трајковски доживеа елиминација губејќи 7:6 на пенали.
Трајковски во Мајорка дојде во август 2019 откако неговиот Палермо банкнотираше. И ден денес никако да се избори за стандарден првотимец бидејќи најчесто добива шанса од клупата. лани одигра 17 натпревари од кои 3 во купот, а вкупно настапиа 489 минути, додека оваа сезона има само 7 настапи и вкупно 246 минути. Ова му е прв гол откако е во тимот од Балеарските Острови.
