Американскиот претседател Доналд Трамп е повторно тестиран и резултатите покажаа дека е негативен на коронавирус.
Како доказ за тоа на социјалните мрежи е споделен официјален документ кој потврдува дека Трамп е негативен на коронавирусот.
По само неколку часа откако е потврдено дека е негативен, Трамп на Флорида одржа уште еден од неговите предизборни собири. Повеќето луѓе на собирот не носеа маски и не држеа физичка дистанца.
„Се чувствувам многу моќно, ќе влезам во публиката, ќе прошетам меѓу вас, ќе го бакнам секого од вас. Ќе ги бакнам мажите, но и убавите жени. Сите вас“, се обрати Трамп на присутните кои скандираа „Те сакаме, Трамп“.
