Претседателот на САД, Доналд Трамп, денеска на Twitter соопшти дека нема да учествува на инаугурацијата на новоизбраниот претседатал Џо Бајден.
Трамп со ова ја нарушува воспоставената традиција во политичката историја на САД, претседателот во заминување да се ракува и разговара со новоизбраниот претседател, како конечен чин на примопредавањето на власта.
-До сите оние кои прашуваат, нема да одам на Инаугурацијата на 20 јануари, напиша Трамп. Ова е трета негова Twitter порака откако завчера социјалната мрежа го блокираше неговиот профил на 12 часа.
Трамп нема да биде првиот претседател кој избегнал да се појави на инаугурацијата на следбеникот. Претходно тоа го сториле претседателите Џон Адамс, Џон Квинси Адамс и Ендрју Џонсон.
Иако победата на Бајден беше утврдена од страна на американскиот изборен колеџ во декември, Трамп тврдеше дека постои наводна кражба на гласови и изборна измама, и не ги признавa резултатитe. Изборите се оддржаа на 3 ноември 2020 година.
Тој ги разгоре радикалните елементи во земјата со употреба на говор на омраза и напади кон традиционалните медиуми. Некои од најжестоките поддржувачи на Трамп, поврзани со радикални десничарски елементи и привразници на теории на заговор, после протестниот митинг кој се оддржа во средата, извршија упад во американскиот Конгрес.
