Американскиот претседател Доналд Трамп вчера го даде своето прво телевизиско интервју по изборите на 3 ноември, појавувајќи се на Fox Business News, и ги повтори неоснованите обвинувања за изборни измами.
Во телефонскиот разговор кој траеше околу 45 минути, Трамп ѝ рече на водителката на Fox, Марија Бартиромо, дека изборите се наместени и „целосна измама“, но дека судиите не сакаат да се мешаат.
Трамп го даде интервјуто откако републиканскиот сенатор Рој Блант, претседател на конгресниот комитет за инаугурација, рече дека очекува новоизбраниот претседател на демократите Џ Бајден да положи заклетва за нов претседател на 20 јануари.
„Ние работиме со администрацијата на Бајден, администрација што најверојатно ќе биде одговорна и за транзицијата и за инаугурацијата“, изјави Блант, гувернер од Мисури, за BBC.
Сепак, тој експлицитно не го спомна поразот на Трамп на 3 ноември.
Гувернерот Аса Хачинсон од Арканзас е еден од ретките републиканци што зборуваше за Бајден за избран претседател.
„Најважна е транзицијата на власта“, изјави Хачинсон за Fox News Sunday.
Трамп го искористи интервјуто за да ги повтори обвинувањата што ги изнесе без докази, за широко распространета изборна измама, обвинувања што беа отфрлени од голем број судии.
Но, тој изрази сомнеж дали Врховниот суд би сакал да разгледа жалба за кој било случај што го застапува неговиот тим.
„Треба да дејствуваме многу брзо“, рече Трамп, но не даде датум до кога би ги сметал своите опции за исцрпени.
Скоро секоја тужба поднесена од кампањата Трамп беше отфрлена во судовите поради недостаток на докази. Тој рече дека ќе продолжи да се бори против изборните резултати. Најблиску до кој дојде да го признае поразот беше минатата недела кога Трамп рече дека ќе ја напушти Белата куќа доколку Бајден биде потврден како победник кога Изборниот комитет ќе се состане на 14 декември.
