Турскиот претседател Реџеп Тајип Ердоган соопшти дека во Црното Море е откриено ново наоѓалиште на природен гас со резерви од 58 милијарди кубни метри.
Претходно весникот Sabah напиша дека Турција ќе инвестира речиси 10 милијарди долари во проект за извлекување и транспорт на 540 милијарди кубни метри гас од наоѓалиштето Сакарија во Црното Море.
Според плановите, првиот гас од наоѓалиштето треба да пристигне во Турција во 2023 година.
Турскиот министер за енергетика и природни ресурси Фатих Донмез исто така објави дека проценетата цена на гасот откриен кај Caycuma-1 во Црното Море е 400 милијарди долари.
„Нашиот брод за дупчење откри 58 милијарди кубни метри резерви природен гас на длабочина од 3.223 метри под вода“, рече Ердоган во своето обраќање до нацијата по состанокот на владата.
Претходно беше објавено дека резервите изнесуваат околу 540 милијарди кубни метри - пренесе РИА.