Музичкиот фестивал „Андерфест“ ќе се одржи петти пат на 13 октомври во Младинскиот културен центар (МКЦ) во Скопје.
На овој мал јубилеј публиката ќе може да ужива во музиката од алтернативната, рок, панк-рок, метал, хардкор-сцената од нашата држава, која ќе покаже дека е одлична и има што да понуди.
Од најавените бендови, сите ѝ се одлично познати на македонската публика. Се работи за актуелни музички имиња за кои организаторите очекуваат многу публика и ветуваат забава.
На „Андерфест 5“ ќе настапат: „Преку ред“, „Ред 18“, „Конспираси“, „Луфтанза“, „Пич Ваис“ и „Последен удар“.
Продажбата на билети за концертот e почната и може да се набават на bileti.mkc.mk.
