Ванда Нара и Мауро Икарди неодамна, според голем број меѓународни медиуми, ставиле крај на долгогодишната врска, а сега се соочуваат со борба за старателството над нивните деца.
Но, проблемите предизвикани од прекинот на оваа врска не се само од приватна и семејна природа.
Ванда со години беше менаџер на Икарди, таа беше клучна за неговиот трансфер од Интер во ПСЖ, а потоа и од ПСЖ во Галатасарај. Раскинувањето на врската доведе и до прекин на деловната соработка, но Gazzetta пишува дека Ванда нема да замине без надомест.
Менаџерката на тој начин бара еден милион евра на сметка, за нејзината улога во позајмицата на Икарди во Турција, а Икарди одбива да ја плати бидејќи смета дека Ванда нема основа за такво барање. Се чини дека и овој случај, исто како и старателството, ќе се реши на суд.