Првиот потпретседател во Владата и министер за политички систем и односи меѓу заедниците Артан Груби на својот профил на Facebook објави видео од својот партиски лидер Али Ахмети на кое тој пее албанска народна песна во придружба на музичари со традиционални инструменти.
„Ретки се луѓето кои ја следат историјата и кои ја прават историјата градејќи ја иднината. Го поздравуваме последниот преродбеник, на чело на нацијата, секогаш на вистинскиот пат! Али Ахмети со сè свето за албанството на плеќи, денеска полни 65 години“, напиша Груби на својот профил на Facebook.
