Аргентинскиот фудбалер Енцо Фернандес стана нов играч на Челси во најскапиот трансфер во Премиер лигата на сите времиња, откако зделката беше завршена во последните часови од јануарскиот преоден рок.
Овој фудбалер потпиша договор со „Сините“ до летото 2031 година, поточно на неверојатни 8 и пол години, а на овој начин Челси останува во рамките на законот поради финансискиот фер-плеј.
Цел јануари Челси се обидуваше да го доведе овој одличен играч за врска, но Бенфика никогаш не се согласи на понуда под откупната клаузула, па челниците на клубот од „Стемфорд Бриџ“ на крајот платија 121 милион евра, вклучувајќи ги и дополнителните трошоци.
Споменатите две страни не се единствените во оваа работа, а интересно е дека Ривер Плејт ќе добие 25% од овој трансфер, поточно 30 милиони. Договорено е овој трансфер да се реализира со плаќање на шест рати, но Челзи авансно да плати 40 милиони фунти.
Фернандес во својата кариера настапуваше за Ривер Плејт, а по само шест месеци и извонредни игри, особено на Мундијалот, го напушти најголемиот португалски клуб и се пресели во редовите на „Сините“. Енцо беше дел од репрезентацијата на Аргентина која во Катар стана светски шампион, а на Мундијалот беше проглсен за најдобар млад играч.
Ова е и рекорд на англиската Премиер лига, а претходниот го држеше Џек Грилиш кој од Астон Вила се пресели во Манчестер Сити за 117,5 милиони евра.
