Авиокoмпаниите во САД денеска откажаа уште 800 домашни и странски летови, откако вчера и за време на божиќните празници беа откажани илјадници летови.
Поради брзото ширење на новиот сој на коронавирусот наречен омикрон, авиокомпаниите откажуваат летови, а пилотите и членовите на екпажите одат во карантин. Настрадаа и крузерските компании.
Пилотите и членовите на екипажите се принудени да се изолираат, а патниците кои сепак се одлучија да патуваат користат друг вид на транспорт.
Вредноста на акциите на некои авиокомпании денеска се намали за два до три отсто. За време на божиќните празници бројот на откажани летови изнесува 3.000.
Во некои региони на САД ситуацијата се влоши и поради лошото време.
Поради заразени со COVID-19 прекинати се пловењата на три големи крузерски компании.