Со 99,89% преброени гласови во втората најголема општина во државава, веќе извесно е дека вториот круг ќе биде решавачки, а таму актуелниот градоначалник и одметник од СДСМ ќе води борба со својот довчерашен сопартиец.
Навистина тесна е битката за Куманово каде по првиот круг води актуелниот градоначалник Максим Димитриевски со 15.151 глас (или 32,82%), малку пред Оливер Илиевски од СДСМ кој доби 15.098 гласови (или 32,71%).
Овие двајца во вториот круг ќе го дадат победникот, а одлучувачки ќе бидат галсовите кои во првиот круг завршија на контото на останатите кандидати.
Трет со 8.567 гласови (или 18,56%) е Тони Михајловски од ВМРО-ДПМНЕ, четврти е Беким Салиу од Алијанса и Алтернатива со 4.254 гласови (или 9,21%), додека солиден процент освои најмладата кандидатка за градоначалник во овие избори, Теодора Димитровска од ЛДП/ДОМ со 1.026 гласови (или 2,22%).
Вториот круг е закажан за 31 октомври (недела).
