Александар Вучиќ и Владимир Путин разговараа телефонски пред два дена.
Според српските медиуми, Путин му ја честитал изборната победа на Вучиќ, а се осврнал и на војната во Украина.
Вучиќ синоќа гостувајќи на РТС го раскажа тој разговор и односот со Путин.
„Ние се знаеме долго време и нема да прифатам како што го нарекуваат Хитлер, лудак и хистеричен. Стабилен е и рационален. Постигнавме договор и тоа е важно за Србија. Ми кажа дека ситуацијата во Украина оди според планот“, рече Вучиќ.
„Не побарав од него да ми каже за тоа бидејќи ние сме мала земја која не може да ја реши судбината на светот, но тој ми кажа дека на претставниците на многу помали земји од ЕУ им дал објаснувања за ситуацијата во Украина и Буча“, рече Вучиќ.
Објасни зошто гласале за исфрлање на Русија од Советот за човекови права на ОН
Да потсетиме, Србија вчера гласаше за исфрлање на Русија од Советот за човекови права на ОН.
Вучиќ истакна дека Србија била под голем притисок и уцена пред гласањето за суспензијата на Русија од Советот за човекови права на ОН. Вучиќ рече дека примарната одлука на Србија била да се воздржи при гласањето, но потоа пристигнале безброј тешки притисоци, наведувајќи дека тоа нема врска со личен притисок, туку со притисок врз земјата.
„Тогаш ви велат, знаете дека денеска и во наредните денови се решава судбината на Србија, дали ќе бидеме изземени од пакетот санкции за нафтата“, рече Вучиќ.
„Сакам луѓето да разберат. Србија е под голема уцена. На Србија ѝ се заканува ‘нуклеарен удар’, не вооружен, туку пакет санкции и запирање на европскиот пат. А што да правиме, ги прашувам овие патриоти? Србија е единствена во Европа која нема воведено санкции кон Русија. Добив орден Александар Невски и знам што зборувам и што прави Србија. Успеваме да издржиме сè. Го одржуваме нашиот политички курс, чесен, морален и чесен. Не сме изолирани од светот, нема да ѝ свртиме грб на Русија, но сме на европскиот пат“, рече Вучиќ.