Кинескиот град Вухан повторно ги тестираше сите жители на коронавирус, освен децата помали од 6 години и оние кои заминале на одмор.
Новото тестирање е извршено за да се спречи нова епидемија во Вухан. Масовното тестирање почна во вторникот, а откриени се неколку локално пренесени случаи на зараза. Ова е првпат заразата со коронавирус да е потврдена во градот од јуни, 2020 година.
Во рок од 6 дена, вкупно 28.000 медицински лица успешно тестираа 11,28 милиони жители на 2.800 локации низ градот. На коронавирус позитивни се 78 луѓе, вклучително и 41 локално пренесени асимптоматски случаи. Повеќето заразени се луѓе кои веќе биле во карантин по претходни контакти со заразени луѓе.
Само 9 случаи се откриени во текот на тестирањето на жителите на станбените блокови, а наводно тие биле изолирани во нивните затворени заедници.
Во цела Кина од 8 август се потврдени само 125 нови случаи на зараза, а повеќето кластери се однесуваат на делта варијантата.
