Yahoo ќе го намали бројот на вработените за 15%, што значи дека 1.600 вработени ќе останат без работа.
Извршниот директор Мариса Мајер настојува да ги намали трошоците во различни сегменти од работењето. Како резултат на ова, според Wall Street Journal, Yahoo ќе затвори неколку од своите деловни единици.
Наредната недела се очекува објава на финансискиот извештај на компанијата, а според проценките на аналитичарите, Yahoo ја завршил деловната година под очекувањата.
Намалување на бројот на вработените би можело да значи и евентуална подготовка на терен за продажба на компанијата, а според последните информации, најзаинтересиран за негово купување е Verizon.
Цената на акциите на Yahoo вчера падна за 1,2%.
