Холивудскиот актер Бред Пит привлече големо внимание во финалето на Вимблдон, а сега е откриено за кого навиваше за време на возбудливиот меч меѓу Новак Ѓоковиќ и Карлос Алкараз.
Новак Ѓоковиќ и Карлос Алкараз вчера речиси пет часа го играа возбудливото финале на Вимблдон, а трибините на Централниот терен во Лондон беа исполнети до крај.
Многу тениски фанатици сакаа да го гледаат мечот што испиша страница во историјата на спортот, а меѓу нив имаше и многу познати фаци. Сепак, огромно внимание привлече познатиот актер Бред Пит. Фоторепортерите се обидуваа да го „фатат“ од сите можни агли, дури и додека грицкаше чипс, но и ентузијастички навиваше.
Прашањето кое остана неодговорено во текот на целиот натпревар е - за кого навива Бред? Одговорот е Новак Ѓоковиќ, што беше забележано во текот на преносот.
Својата навивачка наклонетост кон српскиот тенисер ја покажа и во 2021 година кога го гледаше финалето на УС Опен меѓу Ѓоковиќ и Данил Медведев, додека пред четири години на фестивалот во Венеција призна дека е голем фан на Новак. По тој повод тој разговараше со новинарка на TV Prva.
„Гледам се насмевнавте кога реков Србија“, искоментира новинарката наTV Prva, додека актерот додаде:
„Јас сум голем фан на Новак Ѓоковиќ!“