Не треба да ја фрлате кората од јаболкото бидејќи може да биде корисна во вашето домаќинство.
Имено, јаболковата лушпа е идеална за чистење на алуминиумски предмети. Во тенџере ставете ги лушпите, полијте вода и потопете ги предметите што сакате да ги исчистите.
Ставете на тивок оган и оставете да се загрее околу половина час. Извадете ги и почекајте да се исушат. Ќе забележите дека глазираат благодарение на киселината од лушпата на јаболкото.
Јаболковата лушпа може да се користи и како домашен мирис. Исушете неколку парчиња лушпа на сонце. После тоа, ставете ги во платнена кеса и додадете цимет. Овој мирис е идеален и за освежување на гардероби и фиоки.
Детергентот од јаболкова лушпа може да биде особено корисен за чистење, а се бори и со бактериите како ешерихија коли и кандида. Измешајте ги лушпите со малку шеќер и вода.
Процедете ја течноста и наполнете херметички затворена тегла до три четвртини. Над неа ставете хартиени крпи и прицврстете ја на теглата со гумена лента. Ставете ја на прилично топло место, но подалеку од светлина најмалку три недели.
Не заборавајте да ја мешате течноста секој ден. Подготвена е за употреба кога ќе почувствувате прилично интензивен мирис на оцет. Покрај тоа што овој детергент е идеален за чистење и дезинфекција, можете да го користите и за одмастување.
