Тамам се израдувавме на крајот на ретроградниот Меркур, пристигна и ретроградниот Сатурн. Само што дојде, а веќе ни покажа дека треба прво да скокнеш, па да кажеш оп!
Неговото владеење започна на 5 јуни, а ќе трае до доцна есен, на 23 октомври. На самиот почеток, астролозите ве советуваат да не избрзувате со одлуките во овој период, туку за сè да размислите добро.
Добрата вест е што постепено ќе слабее, до полната месечина - 14 јуни. Многу е важно дотогаш да пристапите на сè со целосна сериозност и внимателност! Сатурн е планета на редот и дисциплината, па не заборавајте дека секое избрзување и непромислени потези нема да донесат ништо добро.
Ништо нема да можете да направите „преку ноќ“, бидејќи резултатот ќе биде незадоволителен и ќе бара дополнителна работа и труд. Освен тоа, ваквите одлуки можат негативно да влијаат на вашата репутација, што на многумина нема да им се допадне.
Во овој период актуелна е и темата за материјалните долгови. Време е да ги вратиме и да ги исполниме ветувањата.
„Чувството на вина во овој момент може да се јави ненадејно. Оптоварени мисли, склони кон мрачни теми и драма. Не треба да си дозволувате да влегувате во такви ситуации, туку да бидете максимално фокусирани на работата", вели астрологот Светлана Медведева.
Ретроградниот Сатурн ќе им користи на луѓето кои спортуваат, а не е лош период за сите оние кои се образуваат, учат, посетуваат курсеви.
За луѓето родени во водените и огнените знаци, астрологијата им дава можност да го променат својот живот на подобро. Тие се стремат кон промени, а ова е идеален период тоа да се случи.
