Македонскиот премиер Зоран Заев од утринава е во Софија каде веќе зборувал со еден од преживеаните, а остварува и средби со бугарските власти кои ќе ја водат истрагата.
„Пред болницата во Софија сум, тргнавме веднаш со министерот за здравство и министерот за надворешни работи Османи. Сакаме прво да ги видиме преживеаните, веќе стапив во контакт со еден од нив. Тој ни објасни дека се случила страшна трагедија во која на спиење слушнале само голема експлозија, успеале неколкумина да скршат од прозорците и да се спасат, за жал другите не успеале“, рече Заев во изјава за „Утрински брифинг“.
Премиерот изјави и дека не поминал од местото на несреќата бидејќи тоа е горе накај Благоевград, а македонската делегација дошла преку Крива Паланка, Перник па Софија.
Информираше и дека во Софија ќе му придружат и екипи на МВР, како и од обинителството, кои ќе треба да им помогнат на своите бугарски колеги во истрагата.
„Тргнати се републичкиот обнивител и обвинителката за организиран криминал, тргнати се и екипи на МВР. Не се работи за недоверба, туку за пружање помош, заедничка асистенција и за грижа за нашите граѓани, а секако и за првично осознавање за причините за несреќата“, додаде.
„Преживеаните се вон животна опасност, зборував со едниот од нив, со Љуљзим, и тој ми објасни што всушност се случило. Штом добиеме повеќе информации, ќе информираме“.
