Претседателот на СДСМ и актуелен премиер Зоран Заев вечерва поднесе оставка од двете функции, како резултат на поразот на локалните избори на кои неговата партија загуби во речиси сите поголеми општини.
Им честиташе на сите прогресивни граѓани и им посака на избраните градоначалници од СДСМ доследно да извршуваат градоначалничката функција.
– Ја преземам одговорноста врз себе за лошите резултати од овие избори, рече Заев.
Тој додаде дека лично како човек е дел од СДСМ и од прогресивниот народ и нагласи дека останува дел од партијата.
