Земјотрес со магнитуда од 3 степени според Рихтеровата скала е регистриран утринава во 2:41 часот на 72 километри источно од Скопје. Бил на длабочина од 5 километри со епицентар на 5 километри североисточно до Штип.
Според податоците од Сеизмолошката опсерваторија при Природно-математичкиот факултет во Скопје, земјотресот потекнува од епицентралното подрачје Свети Николе-Штип и е почувствуван од населението во Штип и околината.