Триесет и деветгoдишна жена од Шпанија со денови била држана затворена во хотелска соба во Струга, каде била силувана од 29-годишен жител на струшкото село Радолишта. Таа била барана со потерница, па вчера полицијата ја пронајде во струшкиот хотел.
По преземени мерки, а по барање на Интерпол Шпанија, полициски службеници од Полициската станица Струга и Секторот за меѓународна полициска соработка ја пронашле К.М.Т. (39) од Шпанија во хотел во Струга.
Како што пријавила таа, во Струга пристигнала преку Тирана, по претходен договор со Ш.С. (29) од село Радолишта, Струшко, по што Ш.С. без нејзина согласност неколку дена ја држел затворена во соба во хотел во Струга и ја присилувал на сексуални односи.
Од МВР денеска соопштија дека на 04.04.2022 околу 21:30 часот во Полициската станица Струга бил приведен Ш.С. и со него бил извршен службен разговор.
Известен е Јавен обвинител и по целосно расчистување на случајот ќе биде поднесена соодветна пријава.