За да влезете во форма и да ги зајакнете коските и мускулите, покрај редовната физичка активност важна е и исхраната. Одредена храна може да ви биде особено корисна во овој процес.
Иако и калциумот и витаминот Д може да се земаат во суплементи, сепак најдобро е да ги внесувате преку природна исхрана. Кога станува збор за зајакнување на коските, ова се намирниците што треба почесто да ги јадете:
Јогурт - збогатен е со витамин Д и калциум, за кој е познато дека штити од остеопороза.
Млеко - основната храна во исхраната на децата, која многу возрасни забораваат да ја пијат. Чаша обезмастено млеко содржи 30% од препорачаната дневна доза на калциум. Купете млеко збогатено со витамин Д и ќе добиете уште повеќе придобивки.
Лосос и туна - не само што се добри за срцето, туку и за коските. Исто така, содржат и големи количини на витамин Д.
Спанаќ - освен магнезиум и витамин Д, содржи и витамин К, кој спречува скршеници и ја зголемува густината на коските.
Сок од портокал - истражување спроведено во САД покажа дека овој сок ги штити коските исто како и млекото. Воедно, одличен е извор на витамин Ц.
Вежбањето во теретана е идеално за градење мускули и издржливост, но ако не се храните добро, трудот нема да ви се исплати. Исто како што на вашите коски им треба витамин Д и калциум, на вашите мускули им требаат протеини за да останат силни и здрави. Најдобрите извори на протеини се:
Посно месо - односно месо кое содржи мала количина маснотии. Ова вклучува пилешко и црвено месо.
Риба - лососот е одличен извор на посни протеини.
Грчки јогурт - чаша грчки јогурт содржи приближно 24 грама протеини. Јадете го со свежо овошје или јаткасти плодови за да го подобрите вкусот.
Јајца - иако можете да го намалите внесот на калории ако ги јадете само белките, жолчката е поздрава бидејќи содржи калциум и протеини.
Путер од кикиритки - одличен е кога сакате здрава ужина и немате време да подготвите поголем оброк. Можете да го намачкате на јаболко.
