Да се биде родител, денеска е многу тешко да се замисли без да се користат одредени помагала. Меѓутоа, не многу одамна, родителството беше возможно и без многу работи кои денеска и се достапни на современите луѓе.
Мајките и татковците за следење на развојот на детето, исхраната и самото одгледување, користат многу помагала, од козметика, преку играчки, па се до апликации.
Сите овие работи, се достапни благодарение на 21 век и големиот технолошки напредок, но постои цел список на работи без кои родителството денеска не може да се замисли, а нашите мајки и татковци тоа го немале.
1. Еднократни пелени
За децата родени пред деведесеттите години, на овие простори беше невозможно да се пронајдат еднократни пелени. Некои родители за да дојдат до нив патуваа дури во Австрија или Италија, а чинеа вистинско мало богатство.
2. Детски програми
Во тоа време, не постоеја канали кои 24 часа дневно емитуваат цртани филмови, а не пак опции кои овозможуваат враќање на времето на каналите наназад или снимање на омилениот цртан.
3. Мобилни уреди
Родителите денеска со помош на мобилниот телефон ја следат состојбата на бебето, истражуваат рецепти или едноставно и бргу испраќаат порака до партнерот, со листа на работи кои треба да бидат купени.
4. Модерна и лесна количка
Родителите бараат што е можно полесна и помодерна количка, која е прилагодена за сите видови на терени и која не зазема премногу простор во багажот, но тоа порано беше незамисливо.
5. Онлајн шопинг
Ако немате време да посетите продавници, без разлика дали ви требаат намирници, облека, книги или нешто друго, денеска целото тоа можете да го направите преку интернет. Нашите родители, за жал, го немаа тој луксуз.
6. Готови оброци
Ако не ви се готви, или едноставно немате време, најразлични видови на супи за бебиња, но и ручек за вас, денеска лесно можете да ги купите веќе подготвени.
7. Онлајн заедница за мајки и татковци
Постојат бројни групи на Facebook, форуми, односно постојат безброј можности ако сакате со некого да поразговарате за деца, нивно одгледување, или да размените совети.
8. Монитори за следење на бебето
Веќе подолго време немате потреба постојано да сте во собата во која е детето, а тоа е возможно благодарение на мониторите, преку кои можете да ги следите и на поголема оддалеченост.
9. Доктор Google
Иако оваа опција може да биде корисна, многумина велат дека би било подобро да не постои можност за пребарување на симптоми за одредена болест на интернет, бидејќи дијагнозите се движат од обични знаци до смртоносни симптоми, па родителите многу лесно почнуваат да паничат.
10. Видео разговори
Дали се сеќавате на летувањата, после кои со големо нетрпение се враќавте дома, бидејќи долго време не сте го виделе вашето семејство? Сите ви зборуваа дека сте пораснале и сте се измениле. Денеска, пак, на тоа можеме да заборавиме и тоа благодарение на видео повиците, преку кои лесно стапуваме во контакти и можеме да ја видиме личноста со која разговараме, иако можеби таа се наоѓа на другиот крај од светот.
