Дали знаете што ги прави успешните луѓе среќни и продуктивни? Тие знаат дека нивните лични приоритети вредат повеќе од приоритетите на другите луѓе.
Кога ќе се разбудат, не седнуваат веднаш пред компјутер за проверат мејл, туку си посветуваат време само на себе.
Како изгледа нивното утро?
Стануваат рано
Кој рано рани, две среќи граби. Се будат во 5:30, а некои дури и порано за да го почнат денот.
Трошат калории
Се трудат да ги потрошат калориите кои ги внеле, но тоа не мора задолжително да биде низ интензивни вежби. Доволно е и практикување јога, која помага во борбата против стресот.
Работат на мотивација
Секојдневно работат на одржување на мотивацијата, читајќи добри вести од бизнис светот или се присетуваат на поговорки и изреки кои инспирираат труд и работа.
Благодарни се за тоа што го имаат
Среќа, меѓу останатото, значи и да го сакате тоа што веќе го имате. Запишувајте секој ден барем по една работа за која сте благодарни дека ја имате.
Поставете си важно прашање
Ако е денес последниот ден од вашиот живот, дали и понатаму би сакале да го правите тоа што мора да го направите денес?
Прво извршете ја тешката задача
Успешните луѓе наутро се свежи и подготвени за движење. Затоа утрото е најдобро да се заврши она најтешкото што ве чека во текот на денот.
Поврзете се со партнерот
Поразговарајте со партнерот за плановите за тој ден за да бидете двајцата во тек со настаните. Можете дури и да одредите еден работен ден во неделата кој ќе биде вашиот ден за заеднички појадок, кога ќе појадувате и не на брзина. Или пак, може и да одите негде заедно на појадок.
Планови и стратегии
Добро е секое утро да посветите десетина минути на визуелизација на вашите планови и цели, стратегии за претстојниот ден.
Медитација
Медитирајте и прочистете го умот, малку забавете. Не брзајте. Дали знаете дека 90% од болестите се случуваат од стрес? Затоа престанете наутро да брзате.
Време за децата
Не дозволувајте еден ден да кажете како ви пораснале децата, а не сте ни забележале. Посветете им време наутро, помогнете им во облекувањето, направете им појадок, прашајте ги дали сонувале нешто и слично. На крајот на краиштата, работите напорно за му овозможите на семејството подобри услови за живот.
Не си дозволувајте работата да ве оддели од семејството.
