Жена загина откако синоќа на саем во Белгија врз неа паднала новогодишна елка висока 20 метри, јавија локалните медиуми.
Огромното дрво на божикниот базар во градот Оуденарде, на околу 50 километри западно од Брисел, синоќа вечерта не издржало силен налет на ветер, јави белгиската новинска агенција Belga.
Дрвото паднало врз три лица, од кои едното починало набргу во болница од тешки повреди. Остана нејасно дали огромната, празнично украсена елка е лошо обезбедена. Видеата покажаа дека дрвото драматично се ниша на ветрот пред да падне.
@hln_be Kerstboom in Oudenaarde valt om: drie gewonden, één persoon zwaargewond naar ziekenhuis. #hln #oudenaarde #oostvlaanderen #crime #crimetok #kerstboom #viral ♬ Minimal for news / news suspense(1169746) - Hiraoka Kotaro
Локалните медиуми го цитираа градоначалникот на Оуденарде, Марник Де Меулеместер, кој изјавил дека обилните дождови и силните ветрови го урнале дрвото. Местото на несреќата е оградено, а надлежните вршат увид.
