Министерството за внатрешни работи соопшти дека вчера спровело зајакната акциска контрола на територијата на државава за санкционирање на возила кои се движат со брзина поголема од дозволената и за незастанување на печачки премин.
Од санкционираните за брзо возење, 34 возилa се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 128 возачи ја пречекориле брзината во населено место, а 87 надвор од населено место.
Вкупно 79 возачи, од кои 38 на територија на СВР Скопје и 13 на територија на СВР Тетово се санкционирани за незастанување на печачки премин, соопшти МВР.
Во засилената акциска контрола спроведена вчера, санкционирани се и 135 други видови сообраќајни прекршоци.
„Министерството за внатрешни работи продолжува со засилените акциски контроли. Апелираме до возачите секогаш да ги пропуштаат пешаците, односно да ги почитуваат сообраќајните правила и прописи. Исто така, апелираме и до пешаците да ги почитуваат сообраќајните правила и прописи и да го минуваат коловозот на обележан пешачки премин затоа што непочитувањето на сообраќајните правила ќе биде санкционирано. Сите заеднички, со почитување на правилата, мора да придонесеме за побезбедни сообраќајници“, наведува МВР.
