Дваесет и четиригодишната С.С. поднела пријава против своето поранешно момче Г.Н., кое ја пресретнало во Волково додека таа одела пеш кон куќата на своја пријателка.
Г.Н. бил во своето возило, застанал и преку отворениот прозорец ѝ рекол на С.С. да влезе во возилото. Таа најпрвин не сакала да влезе, но тој продолжил да инсистира и таа попуштила.
Потоа тој почнал да вози кон неговиот дом. Кога пристигнале пред неговата куќа, излегле од возилото и Г.Н. почнал да ја влече за рацете и за јакната и ја туркал по скалите на вториот кат во куќата.
Двајцата започнале разговор, но тој веднаш ѝ го одзел мобилниот телефон за да провери со кого разговарала. Кога С.С. побарала да ѝ го врати телефонот, тој физички ја нападнал удирајќи ја со повеќе тупаници по лицето, главата и телото и ја турнал на земјата.
Во еден момент оштетената истрчала кон влезната врата за да избега, но тој ја стигнал, ја фатил и продолжил да ја удира по грбот со тупаници.
Таа успеала да се оттргне од него и избегала по скалите, а тој продолжил да ја брка, но С.С. избегала и веднаш ја повикала пријателката, која ја однела кај неа дома, а оттаму ја однела на лекар на Ургентниот центар во Скопје.
Се работи на целосно расчистување на случајот.
