Ако сте жена, утринските мачнини се еден од првите знаци дека сте бремени. Но, тоа не е единствената причина поради која може да почувствувате гадење кога ќе се разбудите, велат лекарите.
„Кога слушаме за утринско гадење, првата мисла на повеќето луѓе е бременост“, вели д-р Џенис Џонстон, главен медицински директор и со-основач на давателот на здравствена заштита Redirect Health.
„Тоа е затоа што утринската мачнина е многу честа несакана појава во бременоста, особено во првиот триместар, која влијае на дури седум од десет трудници.“
Сепак, според многу медицински професионалци, утринската мачнина или општо чувство на гадење веднаш по будењето може да бидат предизвикани од различни нешта, вклучувајќи исхрана, начин на живот и ментално здравје.
Некои од причините зошто може да се појават утрински мачнини, а тоа не е бременост, се:
- недоволно спиење
- низок крвен шеќер
- рефлукс на киселина (гастроезофагеален рефлукс)
- дехидрација
- анксиозност и вознемиреност
- назална конгестија
Иако ниту една од овие здравствени состојби не е опасна по живот, би било добро да се препознаат навреме за да се спречат понатамошни последици и можни здравствени ризици, предупредуваат експертите.
