Музичката ѕвезда којашто речиси цел свет ја знае како Адел, сподели како всушност се изговара нејзиното име.
Поп-пејачката, имено, одговарајќи во нејзино видео за прашања и одговори под наслов „Happy Hour with Adele“, забележа дека една обожавателка го погоди изговорот на нејзиното име.
„Од каде е, Енфилд?“, праша Адел алудирајќи на населба во Северен Лондон блиску до нејзината Тотенхем каде израснала. „Таа перфектно ми го изговори името“, рече британската музичарка, повторувајќи го своето име.
Така, се чини, таа никогаш не била Адел (ah-dell), туку Адејл (uh-dehwl) според севернолондонски изговор.
Искрено, ние не можеме баш да ја слушнеме разликата...
