Кинескиот гигант за е-трговија Alibaba планира да инвестира 2 милијарди долари во Турција, најавувајќи изградба на центар за податоци и логистика во Анкара и формирање на оддел за извоз на аеродромот во Истанбул.
Инвестицијата ја најави претседателот на групацијата, Мајкл Еванс, на средба со турскиот претседател Тајип Реџеп Ердоган, се вели во соопштението за печатот од турскиот огранок на Alibaba. Временската рамка на инвестицијата не е наведена.
Alibaba веќе има инвестирано 1,4 милијарди долари во Турција преку нејзината подружница Trendyol, која е меѓу најпознатите онлајн продавници во Турција, рече Еванс.
Trendyol, чиј претседател Чаглајан Четин, исто така, се состана со Ердоган, рече дека Еванс ги наведе деталите за новите инвестиции, како што се изградбата на податочен и логистички центар во Анкара и формирањето на извозен центар на аеродромот во Истанбул.
Ердоган моментално се наоѓа во САД, каде во понеделник започнува 78-та сесија на Генералното собрание на Обединетите нации (ОН).