Милиони Американци го искористија правото на рано гласање за претседателските избори закажани на 3 ноември.
Жителите на Тексас масовно излегоа на гласање, а судејќи според објавите на социјалните мрежи, во Хјустон и Далас се чекало во долги редици пред избирачките места.
Во Џорџија, каде завчера се почна со предвремено гласање, некои граѓани чекаа по пет часа или подолго за да гласаат.
Во оваа сојузна држава, покрај за претседател на Соединетите Американски Држави, гласачите гласаат и за кандидати за две места во Сенатот.
Гласачите во повеќето држави на САД и во главниот град Вашингтон имаат можност да гласаат порано на избирачките места.
Во 2016 година Трамп победи во Џорџија со шест проценти разлика, а во Тексас со девет проценти разлика.
Според анкетите, Бајден и Трамп се речиси еднакви во Џорџија годинава, додека претседателот има помала предност во Тексас.