Американскиот економист Стивен Роуч смета дека кинескиот претседател Си Ѓинпинг е единствениот кој може да влијае на рускиот претседател Владимир Путин.
„Мислам дека има само една личност во светот која може да влијае на Путин, а тоа е Си Ѓинпинг. Кина е таа која го има адутот и мислам дека останува на Ѓинпинг да го искористи овој момент“, рече Роуч, кој исто така е соработник на Универзитетот Јеил.
Тој рече дека Кина треба да реагира доколку Русија не се согласи на она што се бара од неа. Тој е меѓу оние кои веруваат дека Пекинг би згрешил ако го зајакне своето партнерство со Москва. Роуч процени дека тоа Кина долго време ќе ја сноси вината за она што се случува сега.
Како што изјави за CNBC, Ѓинпинг не може да биде на тој курс, бидејќи во спротивно тоа би била негова историска грешка.
Досега Пекинг инсистираше со преговори да се стави крај на руската агресија врз Украина, а впечатокот е дека Пекинг се обидува да се дистанцира од Москва.