Петмина сега поранешни полицајци од американскиот град Мемфис се обвинети за убиството на 29-годишниот Тир Николс, Афроамериканец кој беше претепан до смрт за време на рутинско застанување на 7 јануари и почина во болница три дена подоцна.
Полицијата објави вознемирувачка снимка од постапувањето на полицајците, исто така Афроамериканци, врз младиот човек со лисици на рацете. Се работи за четири различни снимки. Едно видео покажува како полицајците го удираат Николс најмалку девет пати во четири минути без никаква причина, јавуваат американските медиуми.
„Не направив ништо. Само сакам да си одам дома“, повторува Николс постојано. По ѓаволите, не направив ништо“, вели тој додека полицајците му приоѓаат со извадени пиштоли.
„На земја, на земја“, се слушаат полицајците како му викаат. „Добро, на земја сум“, се слуша како Николс вели. „Стави ги рацете зад грб пред јас... Ќе те претепам“, му вика полицаецот. Во еден момент тој може да се види како го прскаат со солзавец.
Потоа може да се види како полицајците го удираат со тупаници и клоци Николс, кој уште е со лисици на рацете. Тој добил и удари со нога по лицето, а откако го ставиле во седечка положба го удираат по грбот.
Во еден момент, додека тој лежи на земја, од ведро небо му приоѓа полицаец и го клоца. Сето тоа се случило на кратко растојание од неговата куќа, на само три куќи од неговата адреса.
Внимание! Содржината на видеото може да ве вознемири!
