Навивачите на Англија доаѓаат во Скопје за натпреварот во понеделник, но во недела ќе играат и фудбал и тоа против локален скопски клуб.
Ингланд Фанс ФЦ, клубот на навивачите на англиската фудбалска репрезентација, ќе игра фудбал и во Скопје, поточно на стадинот во Петровец и тоа под рефлектори.
Противник на Англичаните ќе им биде клубот од скопски Аеродром, ФК Слободен, кој се натпреварува во општинската лига на Кисела Вода.
@fksloboden Macedonia 🇲🇰 vs. England 🏴 Euro 2024 qualifier match Monday 20:45, National Arena Skopje 📆International banger 1 day before: FK Sloboden🇲🇰 vs. England Fans FC 🏴 Sunday 20h, Petrovec Stadium See you there! #football #macedonia #england #euro2024 ♬ A Little Less Conversation (JXL Radio Edit Remix) - Elvis Presley & JXL
Ингланд Фанс играат натпревари секогаш кога игра и нивната репрезентација, која со срце ја поддржуваат на секое гостување.
А, пак, Слободен истиот ден, но утрото во 9 часот игра лигашки натпревар против Текстилец на стадионот „Славија“ во Пржино.
Натпреварот Слободен - Ингланд Фанс почнува во 20:00 часот, влезот на трибината во Петровец е слободен, а натпреварот ќе биде и од хуманитарен карактер. Имено, кутија за донирање парични средства ќе биде поставена на трибината, а целта е собрање помош за 19-годишниот фудбалер на Њу Старс, Виктор Боневски, кој треба да замине на лекување во Турција откако му беше дијагностициран рак. Третманот чини над 60 илјади евра.
Инаку, Македонија ќе ја пречека Англија в понеделник од 20:45 на Националната арена „Тодор Проески“ во Скопје во рамките на последното коло од квалификациите за пласман на ЕУРО 2024. Англија веќе има обезбеден пласман.