Иако преодниот рок нема да биде отворен сѐ до почетокот на наредната календарска година, Атлетико Мадрид сепак се труди да го заврши трансферот на Диего Коста што поскоро.
Имено, клубот ја доставил својата финална понуда за напаѓачот на Челзи и од раководството велат дека нема да одат погоре од таа сума.
Атлетико даде понуда од 55 милиони евра + бонуси за да го натера тимот на Челзи да го продаде Коста. Висината на бонусите ќе биде во зависност од индивидуалните перфоранси на Диего Коста, односно ќе зависи од постигнатите голови и настапите.
Крајната цена на трансферот би можела да изнесува и 65 милиони евра, доколку Коста игра како што знаеше во претходните неколку сезони.
Како и да е, останува фактот дека времето на Диего Коста во Челзи е завршено. Тој сѐ уште се нема вратено во Лондон и не тренира во клубот, туку од неговата родна земја Бразил пробува да си договори трансфер.