Најголемата авганистанска порно ѕвезда Јасмина Али тврди дека нејзиниот татко наводно се обидел да ја убие поради нејзината професија.
Во интервју за The Post, порно ѕвездата зборуваше за ризиците кои ги преземала откако влегла во порно индустријата и ги оставила зад себе религијата и семејството.
Али е родена во Кабул во 1993 година како Хадиџа Патман. По неколку години поминати под угнетувачка талибанска власт, со своето семејство емигрирала во Обединетото Кралство во раните 2000-ти. Според Toronto Sun, нејзиниот татко добил „азил во Обединетото Кралство затоа што им обезбедувал преведувачки услуги на британските и американските војници за време на борбите на Блискиот Исток“.
Но, на Јасмина не ѝ бил полесен животот во Англија, велејќи дека не се чувствувала слободно поради растењето во строго муслиманско домаќинство.
Како тинејџерка побегнала од семејството и се фатила со Евреинот Дејвид Коен, инаку режисер на порно филмови. Се откажала од својата религија и почнала да работи како актерка во порно индустријата.
Во 2020 година се појави на насловните страници откако нејзиниот татко и братучетка беа уапсени за наводен заговор да ја убијат затоа што го „засрамила семејството“ со влегувањето во порно индустријата.
Татко ѝ Мохамед Патман и братучетката Дарја Кан Сафи наводно биле огорчени што таа се омажила за Евреин.
„Немам никаков контакт со моето семејство и тие не ми кажаа лично што мислат за мојата кариера“, изјави Али за The Post. „Моите родители отсекогаш ми влевале страв – Бог, пекол, казна“.
„Ако го напуштам исламот, татко ми се закани дека ќе ме убие поради оцрнување на исламот, авганистанската култура и семејната чест“, продолжи порно актерката, која сега е атеист.
„На крајот на краиштата, тоа е мојот живот и не ми е грижа за реакциите на луѓето за мојата кариера. Го следам моето срце и го правам она што го сакам бидејќи тоа е мој живот, мое тело и мое право“, заврши Јасмина за The Post.
Јасмина денес живее во Словачка и е мажена за Дејвид.
