Во поранешна Југославија се произведувало речиси сè, од „игла до локомотива“, а на социјалните мрежи кружи мапа со сите компании кои постоеле во тоа време.
Оние коишто живееле во тоа време сведочат дека немало потреба за увоз, а државата се задолжувала за да се развива во овој правец. Некои од југословенските производи се користеле во целиот свет.
Се произведувале авиони, бродови, автомобили, камиони, оружје, па дури и компјутери. Тука се и фирмите кои произведувале храна, облека...
Во БиХ, во „ТАС“ се произведувал популарниот Volkswagen Golf. Фабриката за мотори во Сараево е уште еден од гигантите чиј погон по завршување на војната бил уништен. Во БиХ се наоѓала и најголемата фабрика за производство на муниција.
„ФАП“ од Прибој и „ТАМ“ од Марибор произведувале камиони и шлепери, а „Застава“ од Крагуевац произведувала 200.000 автомобили годишно.
Фабриката за вагони се наоѓала во Славонски Брод, а во Хрватска се произведувале и бродови.
Југославија била и една од петте земји во Европа кои имале свои компјутери. Најпознат бил компјутерот „Галаксија“, а првиот произведен компјутер е CER-10.
„Горење“ и „Искра“ се дел од фабриките што произведувале електронски уреди, телевизори, грамофони, касетофони и бела техника, а „Борац Белград“ дури и апарати за еспресо.
Ова се само некои од фабриките кои постоеле во Југославија, а кои биле на светско ниво.
Постарите генерации сведочат за едно многу поубаво време во кое луѓето биле сложни, имало работа за сите, живееле поедноставно, но спокојно.
Читајте следно: Омилени производи на Југословените - што најмногу купувале во маркетите?
