На аукција што ќе се одржи во февруари, 2019 година во Париз ќе биде ставено на продажба и едно вистинско ремек-дело на италијанската автомобилска индустрија.
Во време кога на сцената уште не беа појавени великаните како Ferrari и Lamborghini, Alfa Romeo беше синоним за елегантни автомобили со високи перформанси кои будат страст за возење од која застанува здивот.
Еден од нив беше Alfa Romeo 8C 2900B Touring Berlinetta од 1939 година, направен во предвечерјето на Втората светска војна.
Овој модел, оригинално дизајниран со идеја да учествува во автомобилски трки, беше базиран на шасијата на Alfa Romea 8C 35 Grand Prix.
Проукциската верзија користеше осумцилиндарски 2.9-литарски мотор опремен со два компресори.
Верзијата 2900B, за која станува збор тука, претрпела одредени промени во однос на оригиналната 2900, за да биде автомобилот поудобен и побезбеден, со задржани завидни перформанси на пат и впечатлива надворешност.
Примерокот што ќе биде понуден на продажба во февруари е еден од само пет автомобили што биле произведени во оваа конфигурација, во соработка со италијанскиот производител на кросерии Touring.
Автомобилот бил купен и испорачан во 1939 година на сопственик во Англија. Во истата земја подоцна променил тројца сопственици, последен пат во 1976 година, а актуелниот сопственик решил да го даде на аукцијата во Париз.
Се проценува дека овој Alfa Romeo 8C 2900B Touring Berlinetta од 1939 година ќе достине цена од вртоглави 25 милиони долари.
