Претседателот на САД, Џо Бајден, е позитивен на COVID-19, потврди денеска Белата куќа.
Како што соопшти Белата куќа, 79-годишниот Бајден двапати е вакциниран и примил уште две дополнителни дози. Тој има многу благи симптоми и се лекува со антивирусен лек Паксловид.
Бајден ќе продолжи да работи во изолација сè до негативен тест на COVID-19. Неговата сопруга Џил Бајден е негативна.
Во текот на денот, медицинската служба ќе ги извести сите контакти на Бајден, вклучително и претставниците кои вчера патуваа со претседателот.