Здравствените власти во американската сојузна држава Вашингтон соопштија дека три лица починале, а уште три се хоспитализирани откако испиле милкшејк контаминиран со листерија, опасен вид бактерија.
Си-Ен-Ен јавува дека трагедијата се случила во ресторанот Frugals во градот Такома.
Се наведува дека истражителите утврдиле дека инфекцијата избила поради нечисти машини за сладолед загадени со таа бактерија, кои вработените не ги исчистиле правилно.
Американската телевизија наведува дека листеријата може да влијае на здравјето на луѓето и до 70 дена откако ќе консумираат храна или пијалак што биле контаминирани со неа.
До 7 август се користеле контаминирани машини во ресторанот, па можна е појава на нови пациенти, велат надлежните.
