Италијанскиот фудбалер Марио Балотели преку социјалните мрежи им се закани на вандалите кои му го уништија автомобилот.
30-годишниот Балотели на Instagram објави непријатни вести за напад врз неговиот автомобил Fiat 500, заканувајќи им се на сторителите. Покрај објавените фотографии и видео од оштетениот автомобил, тој објави и заканувачка порака.
„Гадови, молете се да не ве пронајдам и откријам кои сте. Знам дека, без разлика кои сте, ќе ја добиете оваа порака. Ве предупредувам, подобро молете се никогаш да не дознам кои сте бидејќи ако го сторам тоа, се подразбира дека доживотно ќе бидете прогонети“, напиша фудбалерот на Instagram.
Освен овој автомобил, Марио во неговата колекција има и Ferrari F12, Bentley, Maserati и Audi A8.