Златан Ибрахимовиќ проговори околу причините за пензионирањето, како управува со своето его и неговиот нов живот како советник во Милан.
Поранешниот шведски напаѓач ги закачи копачките на крајот од минатата сезона, завршувајќи ја импресивната 24-годишна играчка кариера во која освои голем број големи почести, вклучувајќи 5 Скудета, 4 титули во Лиг 1, и по 1 во Лига Европа и Светско клупско првенство.
Ибрахимовиќ не остана надвор од фудбалот долго, се врати неколку месеци по неговото пензионирање за да работи како советник на RedBird, сопствениците на Милан, помагајќи во насочувањето на проектот во главниот град на Ломбардија. Во последниве месеци, тој работи на тоа да ја најде вистинската замена за Стефано Пиоли.
Говорејќи за подкастот „ABtalks“ на популарниот арапски јутјубер Анас Бухаш , Ибрахимовиќ прво зборуваше за својот живот откако ги закачи копачките.
„Добар сум, животот е добар, животот се однесува добро со мене. Очигледно, пред осум месеци престанав да играм фудбал, сега имам поинаков живот. Прифатив да престанам да играм фудбал, што беше тешка работа поради моето его, поради начинот на кој размислувам за себе“.
„Мислам дека сум најдобар, сè уште сум најдобар, би можел да продолжам, но избрав да престанам. Зошто? Затоа што сакам добар живот за моето семејство“.
„Сакав да можам да правам работи со моите синови, бидејќи последиците по мене беа тоа што немаше да можам да правам работи со моите синови бидејќи имав проблеми со едното колено“.
„Значи, го прифатив тоа, дојдов до момент кога реков 'во ред е, пушти го и започни ново поглавје во тјвоот живот'“.
Поранешниот шведски напаѓач потоа ја прокоментира неговата преселба во позадинскиот дел на „Росонерите“.
„Потоа, неколку месеци подоцна, го запознав Џери Кардинале кој го контролира фондот RedBird што го купи Милан, и тој ми даде понуда што не можев да ја одбијам.
„Почнав да работам со Милан, и во Милан сум три или четири месеци, и тој се однесува добро со мене, морам да напоменам“.
Конечно, Ибрахимовиќ се сети и на својот поранешен агент Мино Рајола.
„Кога почина мојот агент Мино Рајола, тоа беше голем удар за мене. Многу плачев. Сè уште не е завршено бидејќи понекогаш добивам флешбекови“.
„Тоа ме соборува на начин што ми недостига премногу. Сите што го познаваат него и мене, разбираат колку бевме блиски. Што би рекол кога би можел да му пратам порака? Ми недостигаш“.
Во прилог, целосното гостување на Ибра во „ABtalks“:
