Каталонскиот фудбалски гигант се наоѓа пред историски избори, во време на големи турбуленции во тимот, но и во управата.
Кандидатот за претседател на Барселона Виктор Фонт изјави дека ќе го донесе Чави на позицијата тренер на клубот доколку го добие претседателскиот мандат.
Доколку не го исполни ветувањето, подготвен е да им дозволи на сите сопственици на сезонски билети бесплатно да гледаат домашни натпревари.
Фонт е претседателски кандидат откако Жузеп Марија Бартомеу поднесе оставка. Неговото ветување е скоро идентично со ветувањето на претседателот на Реал Мадрид, Флорентино Перес, кога беше кандидат во 2000 година.
Тогаш Перес објави дека ќе го донесе Луиш Фигу од Барселона во Реал доколку стане претседател, односно дека сопствениците на сезонски билети бесплатно ќе ги следат натпреварите на Реал дома ако не го донесе Фигу.
Перес го исполни ветувањето и Фиго пристигна од Барселона во Реал во контроверзен трансфер.
Фонт користи слично оружје, но Чави неодамна изјави дека е среќен во Катар каде го тренира Ал-Сад.
„Чави ќе дојде во Барселона ако јас станам претседател. Ако тој не дојде, тогаш им ветувам дека на сите сопственици на сезонски билети дека ќе им платам за да ги следат натпреварите“, рече Фонт.
Барселона моментално е на петтото место во Ла Лига со натпревар повеќе и дури осум бода помалку од Атлетико кој е прв.