Фудбалерот на Барселона, Самуел Умтити, наскоро ќе се пресели во Лече, објави новинарот Фабрицио Романо на Twitter.
Клубовите се договориле за позајмица на 28-годишниот Французин до 2023 година.
До крајот на неделава дефанзивецот ќе биде на лекарски преглед во Јужна Италија, по што трансферот ќе биде комплетиран.
Романи тврди дека Лече ќе му плаќа само мал дел од неговата, додека Барса ќе добива бонус за секој натпревар што тој ќе го одигра во жолто-црвениот дрес.
Претходно каталонскиот клуб го продолжи договорот со Умтити до 30 јуни 2026 година и му ја намали платата.
Лече сезонава е повратник во Серија А откако лани заврши ако првопласиран во Серија Би. Доаѓањето на дефанзивец со квалитетите на Умтити ќе биде големо засилување за тимот од „Виа дел Маре“ стадионот во регионот Апулија, познат како петата на италијанската чизма.
Популарните „Салентини“ сезоната ја започнаа со два пораза - оној несреќниот 2:1 од Интер со гол во последната секунда, и 1:0 од Сасуоло.
