Фудбалерите на Атлетико Мадрид успешно го завршија домашниот натпревар од 15. коло на Ла Лига и го совладаа Елче со 2:0 и стигнаа до третото место во листата.
Сепак, по натпреварот најмалку се зборува за головите за кои Жоао Феликс и Алваро Мората, и двата на асистенција на Антоан Гризман, му донесоа победа на Атлетико.
Тема број еден на социјалните мрежи по натпреварот со Атлетико е фризурата на Гризман. Францускиот фудбалер на мечот против Елче дојде со бојадисана розова коса и предизвика бројни објави и коментари на социјалните мрежи, по што се чини дека оваа тема на фудбалските фанови им е уште поинтересна од фудбалот.
Мегапопуларниот SportBible објави фотографија од фризурата на Гризман и се пошегува дека Французинот избрал неутрална боја на коса, а објавата им се допаднала на преку 1.400 луѓе, од кои многумина напишале дека причината за оваа фризура најверојатно е изгубен облог.
Фотографијата ја сподели и Football Tweet, а на тој профил им се допадна над две илјади луѓе. Покрај популарните фудбалски сајтови, фотографијата стана вирална и меѓу фудбалските следбеници.